ተወካዮችን የማስመረጡ ሂደት በክልሉ የቀጠለ ሲሆን በዛሬው ዕለት የምዕራብ አርሲን 14 ወረዳዎች ያሳተፈ መርሐ-ግብር ተካሂዷል፡፡
በሂደቱ ተሳታፊዎች ስለሀገራዊ ምክክር እና ተያያዥ ጉዳዮች ግንዛቤ እንዲጨብጡ ስለምክክር ፅንሰ ሀሳብ፣ ኮሚሽኑ እስካሁን ስላከናወናቸው ተግባራት፣ ስለሀገራዊ ምክክር ሂደቶች እና ተሳታፊዎች ተወካዮቻቸውን ሲመርጡ ሊከተሏቸው ስለሚገቡ ሂደቶች በባለሙያ ገለፃ ተደርጎላቸዋል፡፡
በመቀጠልም ውይይት ተደርጎ ተሳታፊዎች ለአጀንዳ ማሰባሰብ ሂደት ይወክሉናል የሚሏቸውን ተወካዮች እንዲመርጡ ይደረጋል፡፡
የዞኑ የተወካዮች መረጣ መድረክ ከ1,000 በላይ የሚሆኑ ተሰብሳቢዎችን በማሳተፍ በአዳማ ከተማ አባ ገዳ አዳራሽ ተካሂዷል፡፡
