የተበባሪ አካላት ሥልጠና

ለተባባሪ አካላት የሶስት ቀናት ስልጠና ይሰጣል፡፡ ስልጠናው በዋናነት ስለሀገራዊ ምክክር ዓለም አቀፋዊ ጽንሰ ሀሳብ፣ በኢትዮጵያ እየተካሄደ ያለው ምክክር መሰረታዊ ጉዳዮችና ሂደቱን ስለሚመራው የኢትዮጵያ ሀገራዊ ምክክርኮሚሽን፣ በኮሚሽኑ የተዘጋጀው የተሳታፊዎች ልየታ ስነዘዴና ከየአከባቢው ተጨባጭ ሁኔታ ጋር ተጣጥሞ በሚተገበርበት ሁኔታ ላይ ያተኮሩ ናቸው፡፡ ከስልጠናው በተጨማሪም ለስራቸው የሚያስፈለጓቸው አስፈላጊ ቅጾች፣ ደብዳቤዎችና ሌሎች ተያያዥ ግብአቶችን እንዲያገኙ ይደረጋል፡፡ ሰብሳቢና ጸሃፊም እንዲሰይሙ ይደረጋል፡፡

የተባባሪ አካላት ስልጠና – ሲዳማ ክልል	የተባባሪ አካላት ስልጠና – አዲስ አበባ

ተሳታፊዎችን ከወረዳ መለየት

ተባባሪ አካላቱ ከስልጠናው በኋላ ወደየወረዳቸው በመመለስ ስራውን ማከናወን በሚችሉበት ሁኔታ ላይ ተጨማሪ ምክክርና የስራ ክፍፍል አድርገው ወደ ተግባራዊ እንቅስቃሴ ይገባሉ፡፡ በተቋም ወይም በማህበር ተወከለው ለሚሳተፉ የማህበረሰብ ክፍሎች ለምሳሌ እንደ መምህራን ማህበር፣ እድር ለመሳሰሉት በኮሚሽኑ የተዘጋጀውን ደብዳቤ በማድረስና ተገቢውን ክትትል በማድረግ ተቋማቱ ወይም ማህበራቱ በደብዳቤ እንዲወክሉ ያደርጋሉ፡፡

በተቋም ወይም በማህበር የማይወከሉትን ወይም በከፊል ተወከለው የተቀረውን ደግሞ ተባባሪ አካላቱ የሚለያቸውን የህበረተሰብ ክፍሎች በኮሚሽኑ በተሰጣቸው መስፈርት መሠረት ይለያሉ፡፡ ተሳታፊዎች የሚለዩበት መስፈርቶች ከተቋም ወይም ከማህበር ሲወከሉም ሆነ በተባባሪ አካላቱ ሲለዩ ከሞላ ጎደል ተመሳሳይ ናቸው፡፡ ከሥልጠናው በተጨማሪ ኮሚሽኑ ባለሙዎችን በመመደብ ተባባሪ አካላቱ በአግባቡ እየሰሩ መሆናቸውን ይከታተላል፡፡ ችግሮች ሲኖሩም ተገቢው ማስተካከያ እንዲደረግ ያደርጋል፡፡

በሀገራዊ ምክክር ሂደቱ ለመሳተፍ መሰረታዊ መስፈርቶቹ ምንድናቸው?

በተቋም ወይም በማህበርም ሆነ በተባባሪ አካላቱ የተለዩ ተሳታፊዎች የተለዩት ኮሚሽኑ ያስቀመጠውን የአሰራር ስርአትና ሂደት ተከትሎ ስለመሆኑ የተባባሪ አባላቱ ኮሚቴ በፊርማቸው በማረጋገጥና በተሰጣቸው ቅጽ ላይ በመሙላት ለኮሚሽነኑ ያስረክባሉ፡፡

ኮሚሽኑም ተገቢውን ማጣራት በማድረግና በማረጋገጥ ሰነዶችን ይረከባል፡፡

በመጀመሪያው ደረጃ በተባባሪ አካላቱ እገዛ ከየማህበረሰብ ክፍሉ የተለዩት 10 ተሳታፊዎች አመቺ ወደ ሆኑ የዞን ከተሞች እንዲሰባሰቡ ይደረጋል፡፡ የትራንስፖርትና የሎጀስቲክ አቅርቦቶች አስቸጋሪ በሆነባቸው እንደ አፋር ባሉ ክሎሎች ተሳታፊዎችን ወደ አማካይ ከተሞች ማሰባሰብ ሳይቻል ሲቀር በየወረዳቸው ማከናወን የግድ ብሏል፡፡

የመጀመሪያ ደረጃ ተሳታፊዎች በቀጣይ የሚያከናውኑት ተግባር ኮሚሽኑ በክልል ደረጃ በሚያዘጋጃቸው መድረኮች ላይ ወረዳቸውን በመወከል የአጀንዳ ሀሳቦችን የሚሰጡ ተወካዮችን መምረጥ ነው፡፡

አጠቃላይ ሂደቱ አንድ ሙሉ ቀን ይካሄዳል፡፡ በግማሹ ቀን ለተሳፊዎች ስለ ምክክር ምንነትና በተለይም በኢትዮጵያ ያለውን አስፈላጊነትና ፋይዳ እንዲሁም ተወካዮቻቸውን ለምን እንደሚመርጡና የአመራረጥ ሂደቱን በተመለከተ ገለጻ ይደረግላቸዋል፡፡ ገለጻውን መሰረት በማድረግ ጥያቄዎች ወይም ሀሳብ ካላቸው እንዲያቀርቡ ዕድል ይሰጣል፡፡ ለቀረቡ ጥቄዎች ተጨማሪ ማብራሪ ከተሰጠ በኋላ ከሰአት በኋላ ባለው ጊዜ ወደ ውክልና ሂደቱ ያልፋሉ፡፡

አጠቃላይ ከገለጻውን ከትሎ ከሰአት በኋላ እያንዳንዱ ማህበረሰብ በአብዛኛው በትምህርት ቤቶች በሚዘጋጁ ክፍሎች በየወከለው ማህበረሰብ እንዲሰባሰብ ይደረጋል፡፡ የመማሪያ ክፍሎች እጥረት በሚጋጥመበት ወቅት የዛፍ ጥላዎችን እንዲሁም የመሰብሰቢ አዳራሾችን በመከፋፋል የውክልና ሂደቱ ይከናወናል፡፡

በመጀመሪው አጠቃላይ መድረኩ ላይ ግልጽ ያልሆኑ ጉዳዮች ካሉ በየማህበረሰቡ በመዘዋወር ተጨማሪ ገለጻና በኮሚሽኑ የተዘጋጀውን የቃለ ጉባኤ ቅጽ አሞላልን በተመለከተ ማብራሪያ ይሰጣል፡፡

እንዳንዱ ማህበረሰብ የውክልና ሂደቱን የሚስተባብሩለት አንድ ሰብሳቢና ጸሀፊ እንዲመርጥ ይደረጋል፡፡ በሰብሳቢነት ወይም በጸሀፊነት የሚመረጡ ሰዎች በውክልና ሂደቱ እንዲሳተፉ በማህበረሰቡ ከተጠቆሙ የመወዳደር መብታቸው እንደተጠበቀ ሆኖ ሂደቱን የማስተባበርና ቃለ ጉባኤ የመያዝ ሀላፊነታቸውን ይወጣሉ፡፡

የውክልና ሂደቱ የሚከናወነው ሙሉ በሙሉ በማህበረሰቡ ሲሆን የኮሚሽኑ ባለሙዎችም ሆኖ ተባባሪ አካላት በሂደቱ ጣልቃ አይገቡም፡፡ በሂደቱ ላይ አለመግባባቶች ከተፈጠሩ ብቻ ለተፈጠረው አለመግባባት እልባት ለመስጠትና ሂደቱ እንዲቀጥል ለማድረግ ብቻ ጣልቃ ሊገቡ ይችላሉ፡፡

የውክልና ሂደቱ በአብዛኛው የሚካሄደው ዲሞክራሲዊ አካሄዶችን ተከትሎ ነው፡፡ መጀመሪያ ጥቆማዎች ይቀርባሉ፡፡ የሚጠቆሙ ሰዎች እስከ 5 ሊደርሱ ይችላሉ፡፡ ተሳታፊዎቹ ለተጠቆሙት ሰዎች ድምጽ ይሰጣሉ፡፡ድምጽ አሰጣጡ እንደ ማህበረሰቡ ፍላጎትና ስምምነት እጅ በማውጣት ወይም በወረቀት በሚስጥር በሚሰጥ ድምጽ ሊሆን ይችላል፡፡ የተሰጡ ድምጾች ተቆጥረው ከፍተኛ ድምጽ ያገኙ ሁለት ተጠቋሚዎች የሚወከሉ ሲሆን 3ኛ የወጣው/ችው በተጠባባቂነት ይይዛሉ፡፡ ውስን የህዝብ ቁጥር ባላቸው ክልሎች ተመጣጣኝ ውክልና እንዲኖር ለማድረግ ሲባል ተወካዮቹ በቁጥር 4 የሚሆንባቸው ሁኔታዎች አሉ፡፡

የውክልና ሂደቱ ከተጠናቀቀ በኋላ ተሳታፊዎች ኮሚሽኑ ባዘጋጀው የቃለ ጉባኤ ቅጽ ላይ ስምና ፊርማቸውን አኑረው ሂደቱ ይጠናቀቃል፡፡ ኮሚሽኑም ሁሉንም ሰነዶች በአግባቡ እንዲሰበሰቡ እንዲሰነዱ ያደርጋል፡፡

የክልል እና የከተማ አስተደደር ተሳታፊዎች ልየታ

በሂደትና እንደየአከባቢው ሁኔታ የሚጨመሩ ወይም የሚቀነሱ መኖራቸው እንደተጠበቀ ሆኖ ኮሚሽኑ የሚከተሉት አካላት በወኪሎቻቸው አማካኝነት በምክክር ሂደቱ እንዲሳተፉ ለይቷል፡፡ አብዛኞቹ ተቋማትና ማህበራት እንደመሆናቸው መጠን በአብዛኛው የኮሚሽኑን መስፈርት መሠረት በማድረግ በደብዳቤ የሚወከሉ ናቸው፡፡ ይህ አንደተጠበቀ ሆኖ ባላቸው ተቀባይነትነ ተጽእኖ ፈጣሪነት እንዲሁም በሂደቱ መሳተፋቸው አዎንታዊ ፋይዳ አለው ብሎ ኮሚሽኑ ያመነባቸውን ግለሰቦች  እንዲካተቱ የማድረግ አካሄድን ይከተላል፡፡

የክልል እና የከተማ አስተደደር ተሳታፊዎች

በፌደራል ደረጃ የሚወከሉ ተሳታፊዎች

በፌደራል ደረጃ የሚወከሉ ተሳታፊዎች ከሞላ ጎደል በክልልና ከተማ አስተዳደር ያለውን የውክልና ሂደት ጋር ተመሳሳይ ነው፡፡

የዲያስፖራ ተሳታፊዎች

ትውልደ ኢትዮጵያውያንና ኢትዮጵያውያን ወገኖች ሁሉን አካታችና አሳታፊ በሆነው የኢትዮጵያ ሀገራዊ ምክክር ሂደት ተሳታፊ ናቸው፡፡ አብዛኛው የዲስፖራው ማህበረሰብ ለሀገሩ ቀናኢና በሚችለው አቅም የተሻለች ሀገር ለመፍጠር በሚደረገው ሂደት ገንቢ አስተዋጽኦ የሚያበርክት ቢሆንም በመሠረታዊና ሀገራዊ ጉዳዮች ላይ ሰፋ ያሉ የሀሳብ ልዩነቶች ወይም አለመግባባቶች እንዳሉበት ይተወቃል፡፡ በመሆኑም በምክክር ሂደቱ ተሳታፊ መሆኑ ለሂደቱ ስኬታማናትና ለሚደረስባቸው መግባባቶች የራሱ አስተዋጽኦ አለው ተብሎ ይታመናል፡፡

በዚሁም መሠረት ዲያስፖራው ማህበረሰብ  በምን መልኩ ቢሳተፍ ይበልጥ ተካታች ሊሆን እንደሚችል በሀገር ውስጥ ካሉና በውጭ ከሚኖሩ የማህበረሰቡ አባላት ጋር ሰፊ ውይይቶች ተካሂደዋል፡፡ የሚገኙ ግብአቶችን በማሰባሰብ ሂደቱ እንዲቀጥል ይደረጋል፡፡