ኮሚሽኑ በሶማሌ ክልል ጎዴ ማዕከል ለተባባሪ አካላት ሲሰጥ የነበረውን ሀለተኛውን ዙር ስልጠና ዛሬ ህዳር 21 ቀን 2016 ዓ.ም አጠናቀቀ፡፡ በጎዴ ከተማ ለሶስት ተከታታይ ቀናት ሲሰጥ የነበረው ስልጠና ከአምስት ዞኖች የተውጣጡ ተባባሪ አካላት ተሳታፊዎች ሆነውበታል፡፡
በስልጠናው ላይ ተባባሪ አካላቱ ባደረጓቸው የቡድን ውይይቶች ላይ የክልሉን ዓውድ መሰረት አድርገው ከየማህበረሰብ ክፍሉ ተሳታፊዎችን ስለሚለዩባቸው መንገዶች ውይይቶች አድርገዋል፡፡ በሌላ በኩልም በስልጠናው ላይ የተሳተፉ ተባባሪ አካላት በዞናቸው በሚገኙ የተለያዩ ወረዳዎች በመሄድ በኮሚሽኑ ከተለዩት የማህበረሰብ ክፍሎች ተሳታፊዎችን በመለየት ረገድ ሂደቱ ተዓማኒ እንዲሆን አስተዋፅኦ ያደርጋሉ፡፡
